ගෝඨාභයට මැතිවරණයට එන්න බෑ…! ඒක කරන්නයි නඩුව දැම්මේ – ඒකාබද්ධ විපක්ෂය

හිටපු ආරක්ෂක ලේකම් ගෝඨාභය රාජපක්ෂ මහතාට එරෙහිව ඇමෙරිකාවේ නඩු පවරා ඇත්තේ එළැඹෙන මැතිවරණ සඳහා ඔහු තරග කරීම වැළැක්විමට බව පාර්ලිමේන්තු මන්ත්‍රී කාංචන විජේසේකර මහතා පවසයි.

සිය ට්විටර් ගිණුම හරහා ප්‍රකාශයක් කරමින් ඔහු මේ බව සඳහන් කරයි. එසේම හිටපු ආරක්ෂක ලේකම් ගෝඨාභය රාජපක්ෂ මහතාගේ ඇමෙරිකානු පුරවැසිභාවය ඉවත් කර ගැනීම ප්‍රමාද කිරීම වෙනුවෙන් රජය සෑම ක්‍රියාමාර්ගයක්ම ගනු ඇති බවත් ඔහු පවසයි.

ලසන්ත වික්‍රමතුංග ඝාතනය සම්බන්ධයෙන් හිටපු ආරක්ෂක ලේකම් ගෝඨාභය රාජපක්ෂ මහතා මේ දක්වා සැකකරුවෙක් ලෙස හෝ නම් කර නොමැති බව පෙන්වා දෙන මන්ත්‍රීවරයා මේ සම්බන්ධයෙන් වන චෝදනා ඔප්පු කරීම වෙනුවෙන් සිදුකරන විමර්ශන කටයුතු වේගවත් නොකරන්නේ මන්දැයිද ප්‍රශ්ණ කරයි.