පාර්ලිමේන්තුවේ අවසරපත්‍ර සමග අත්අඩංගුවට ගත් සැකකරුගෙන් රදවාගෙන ප්‍රශ්න කිරීමට අවසර


පාර්ලිමේන්තුවට ඇතුලු වීමේ අවසර පත්‍ර සහ පාර්ලිමේන්තු සංකීර්ණයට පිවිසෙන මාර්ගයේ දල සැලැස්මක් සමග අත්අඩංගුවට ගැනුනු සැකකරුගෙන් පැය 48 ක් රදාවාගෙන ප්‍රශ්න කිරීමට බලංගොඩ මහේෂ්ත්‍රාත් ජයරුවන් දිසානායක අද (26) පොලීසියට අවසර ලබා දුන්නා.

ඒ බලංගොඩ පොලීසිය විසින් සැකකරු අධිකරණයට ඉදිරිපත්කළ අවස්ථාවේදීයි. 27 හැවිරිදි එම සැකකරු බලංගොඩ කිරිමැටිතැන්න ප්‍රදේශයේ නිවසක් පරික්ෂා කරන අවස්ථාවේදී ඊයේ අත්අඩංගුවට ගැනුනා. අදාල නිවසේ තිබී ජංගම දුරකතන 03 ක්, සිම්කාඞ්පත් 13 ක්, ජීව උණ්ඩ 02 ක්  සහ ක්‍රෙඞ්ට් කාඞ්පත් කිහිපයක්ද සොයා ගැනුනා.