වැලිගම මුස්ලිම් නිවසකින් කෝටි එක හමාරක්

වැලිගම මදුරාගොඩ ප්‍රදේශයේ අද (28) දවස පුරා සිදු කල විශේෂ සෝදිසි මෙහෙයුමකදී නිවසක නිදන ඇදක් යට බෑගයක සගවා තිබු රුපියල් එක් කෝටි විසිඑක් ලක්ෂ පනස් දහසක් සමග එම නිවස හිමිකරු අත්අඩංගුවට ගත් බව වැලිගම මූලස්ථාන පොලීසිය පවසයි.

එම මුදල් උපයා ගත් ආකාරය හෙලි කර ගැනීමට එම සැකකරු අපොහොසත් වු බව පොලීසිය සදහන් කරයි.

ඒ තරම් විශාල මුදලක් එකවර ඔහුට ලැබුණු ආකාරය කෙසේ දැයි සෙවීමට විශේෂ පරික්ෂණයක් ආරම්භ කර තිබේ.

එම සැකකරු සෞදියේ පරිගනක අලෙවි කරන්නෙකු ලෙස රැකියාව කර ඇති බවද ඔහු සහ බිරිද ඉකුත් දෙසැම්බර් මාසයේ මෙරටට පැමිණ තිබෙන බවද කියති.

එහෙත් ඔවුන්ගේ නිවස දෙස බැලීමේදී එතරම් වත්පොහොසත්කම් ඇති පවුලක් නොවන බවට හෙළි වන බවද උසස් පොලිස් නිලධාරියෙකු පැවසීය.

කෙසේ වෙතත් 49 හැවිරිදි නිවසේ හිමිකරු හෙට (29)  මාතර මහේස්ත්‍රාත් අධිකරණයට ඉදිරිපත් කිරීමට නියමිතය.