පොලිස් නිළ ඇඳුම ඇඳ ඡායාරූප ගත් රිශාඩ්ගේ උපදේශක මවුලවීවරයෙක් අත්අඩංගුවට

සිදුකරන ලද සෝදිසි මෙහෙයුකදී පොලිස් නිළ ඇඳුමක් ඇඳ ඡායාරුප ගත් මුස්ලිම් මවුලවී වරයෙක් සැකපිට අත්අඩංගුවට ගත බව පොලිසිය සඳහන් කරනවා.

මෙම සැකකාර මවුලවී වරයාගේ නිවසේ තිබී හමුදා ඇඳුම් කට්ටල කිහිපයක් ද හමුවී ඇති බව කුරුනෑගල පොලිස් අධිකාරි මහින්ද දිසානායක මහතා තහවුරු කරනු ලැබුවා

එමෙන්ම මෙම මවුලවී වරයාගේ ජංගම දුරකතනයේ තිබී පොලිස් ඇඳුමින් ගත් ඔහුගේ ඡායාරුප කිහිපයක් හා පාස්කු ඉරිදා ප්‍රහාරයෙන් පසු කටුවාපිටිය දේවස්ථානයේ තුවාල කරුවන් විලාප දෙන ආකාරය,ඔවුන්ගේ පවුලේ සාමාජිකයින් හඬා වැටෙන ආකාරය හා මියගිය පුද්ගලයින්ගේ මළමිනී සහිත වීඩියෝවක් හා

නවසීලන්තයේ මුස්ලිම් පල්ලියකට කිතුනුවෙකු විසින් වෙඩි තබනු ලැබූ වීඩියෝවක් තිබු බව වැඩිදුරටත් අදහස් දක්වමින් පොලිස් අධිකාරි වරයා පවසනු ලැබුවා.

විශේෂත්වය නම් මෙම මවුලවී වරයා කලක් අමාත්‍ය රිෂාඩ් බදුර්දීන් අමාත්‍යවරයාගේ උපදේශක වරයෙකු හා භාෂා පරිවර්තකයෙකු ලෙසත් කටයුතු කර ඇති බව පසුව සිදුකර පරීක්ෂණ වලදී සොයාගෙන තිබෙනවා.

එමෙන්ම ඔහුව නිදහස් කරන ලෙසට ඉල්ලා අමාත්‍යවරයා මේවන විට පොලිසියට බලපෑම් කරමින් සිටින බවත් වාර්තාවනවා

ada ( අද පුවත්පත )