“විකල්ප අපේක්ෂකයෙක් වෙලා සිංහල ඡන්ද කඩන්න” එජාප ඇමතිගෙන් ඥානසාර හිමිට කෝටි 75ක ලංසුවක්.!

මෙවර ජනාධිපතිවරණයට විකල්ප අපේක්‍ෂකයෙකු ලෙස බොදුබල සේනා සංවිධානය විසින් පූජ්‍ය ගලගොඩඅත්තේ ඥානසාර හිමි ඉදිරිපත් කරන්නේ නම් රුපියල් කෝටි 75 ක් ලබාදිය හැකි බවට එක්සත් ජාතික පක්ෂයේ ප‍්‍රබල අමාත්‍යවරයෙකු යෝජනා කර ඇති බව නෙත් ගොසිප් වෙත වාර්තා වුණා.

අදාළ අමාත්‍යවරයාගේ සමීපතමයෙකු ඉකුත් 03 වෙනිදා ඥාණසාර හිමි හමුවී මෙම යෝජනාව කර ඇති බවයි වාර්තා වුණේ. මැතිවරණයට ඉදිරිපත් වී ඥානසාර හිමි ලක්ෂ 5ක පමණ ඡන්ද ප‍්‍රමාණයක් ලබාගන්නේ නම් එජාප අපේක්ෂකයා ජයග‍්‍රහණය කරන බවත් ඊට පසුව තවත් සැලකිය යුතු මුදලක් ලබාදිය හැකි බවත් එම පුද්ගලයා විසින් ඥානසාර හිමිට පවසා තිබෙනවා. 

කෙසේවෙතත් එම යෝජනාව ඥානසාර හිමි විසින් එකහෙලා ප‍්‍රතික්ෂේප කර ඇති අතර අදාළ කෝටි 75ක මුදල කෝටි 100 දක්වා වැඩිකර ලබාදිය හැකි බව ඔහු පවසා ඇති බවයි වාර්තා වුණේ. 

එම කිසිදු යෝජනාවකට ඥානසාර හිමි එකඟ නොවූ බවත් උන්වහන්සේ එම පුද්ගලයාට බැණ වැදී ඇති බවත් නෙත් ගොසිප් වෙත වැඩිදුරටත් වාර්තා වුණා.