පාසල් දරුවන්ට ගුටිදීම ගැන රෝයල් ප්‍රින්සිපල්ගෙන් පොරොන්දුවක්

පාසල තුළ විනය ආරක්ෂා කිරීම සදහා හදුන්වා දී ඇති චක්‍රලේඛය පිළිබදව දිවයිනේ පාසල් දැනුවත් කිරීමේ අවශ්‍යතාව ශ්‍රී ලංකා මානව හිමිකම් කොමිෂන්

සභාව විසින් අධ්‍යාපන අමාත්‍යාංශය වෙත අවධාරණය කර තිබේ.


ශ්‍රී ලංකා මානව හිමිකම් කොමිෂන් සභාව එම අවධාරණය කර ඇත්තේ, දිවයිනේ ප්‍රධානතම පාසලක විදුහල්පතිවරයෙක් එම චක්‍රලේඛය ගුරුවරුන්ගේ විවේකාගාරවල ප්‍රදර්ශනය කිරීමට පියවර ගන්නා බවට කොමිෂන් සභාව ඉදිරියේ පොරොන්දු වීමෙන් අනතුරුවයි.


කොළඹ රාජකීය විද්‍යාලයේ 11 ශ්‍රේණියේ ඉගෙනුම ලබන සිසුවෙකුට එම විද්‍යාලයේ ගුරුවරුන් දෙදෙනෙකු විසින් අමානුෂික ලෙස පහරදීම සම්බන්ධයෙන් වු පැමිණිල්ල නොවැම්බර් 14 වැනි සදුදා ශ්‍රී ලංකා මානව හිමිකම් කොමිෂන් සභාව ඉදිරියේ කැදවා ඇත.


එහිදී රාජකීය විද්‍යාලයේ විදුහල්පතිවරයා කොමිෂන් සභාව ඉදිරියේ ප්‍රකාශ කර ඇත්තේ මින්  ඉදිරියට එම විද්‍යාලය තුළ කිසිදු ආකාරයක ශාරීරික හෝ මානසික වධහිංසා සිදුවීමට ඉඩ ලබා නොදෙන අතර එම වධහිංසා පාසල තුලින් තුරන් කරන බවයි.

” තවද පාසල තුළ විනය ආරක්ෂා කිරීම සදහා අධ්‍යාපන අමාත්‍යාංශය මගින් හදුන්වා දී ඇති 12/16 චක්‍රලේඛය ගුරුවරුන්ගේ විවේකාගාරවල ප්‍රදර්ශනය කිරීමට පියවර ගන්නා බවට විදුහල්පතිවරයා කොමිෂන් සභාව ඉදිරියේ පොරොන්දු විය. ” ශ්‍රී ලංකා මානව හිමිකම් කොමිෂන් සභාව නිකුත් කළ නිවේදනයක සදහන්ය.

පාසල් වල දරුවන් සම්බන්ධයෙන් විනය ක්‍රියාමාර්ග ගැනීම පිළිබදව අධ්‍යාපන අමාත්‍යාංශය නිකුත් කර තිබෙන චක්‍ර ලේඛයට පටහැනිව කටයුතු සිදුකිරීම තුල පාසල් පද්ධතියට එරෙහිව බරපතල සමාජ විරෝධයක් එල්ල වී තිබෙන ආකාරය ලංකා ගුරු සංගමයේ ප්‍රධාන ලේකම් ජෝසප් ස්ටාලින් විසින්ද අවස්ථා ගණනාවකදීම පෙන්වා දී තිබුනි.

You May Also Like

About the Author: Admin

Leave a Reply

Your email address will not be published. Required fields are marked *