රාජ්‍ය අමාත්‍ය ධුරයෙන් ඉවත්කළ නීතිඥ සුසිල් ප්‍රේම්ජයන්ත් මන්ත්‍රීවරයාට (04) දුරකථන ඇමතුමක් ලබාදී ඇති අගමැති මහින්ද රාජපක්ෂ, සිද්ධිය
සම්බන්ධයෙන් තමන්ගේ කනස්සල්ල පළකර ඇතැයි ආණ්ඩුවේ අභ්‍යන්තර ආරංචිමාර්ග පවසයි.
” ඔබතුමාව ඇමතිකමෙන් අයින් කරලා කියල මම දැනගත්තේ දැන් . ශිරන්ති කිව්වේ. ” යයි පවසා ඇති අගමැතිවරයා, හිටපු ජනාධිපතිනි චන්ද්‍රිකා බණ්ඩාරනායක කුමාරණතුංග තමන්ට 2005 දී ජනාධිපති අපේක්ෂකත්වය නොදීමට තීරණය කර තිබියදී අපේක්ෂකත්වය ලබා ගැනීමට සන්ධානයේ මහ ලේකම් ලෙස දුන් සහය අමතක නැතැයි ද පවසා ඇතැයි වාර්තාවේ.
” මට කවදාවත් ඔබතුමා එක්ක ගැටළුවක් තිබුනේ නැහැ. මාව අස්කළ එකට ඔබතුමා සම්බන්ධ නැහැ කියල මම හොඳටම දන්නවා. ” යයි සුසිල් ප්‍රේමජයන්ත මන්ත්‍රීවරයා එහිදී අගමැතිවරයාට පැවසු බවද ඉහත ආරංචිමාර්ග තවදුරටත් කියා සිටියි.
