රාගම වෛද්‍ය පීඨයේ ඇතිවූ සිදුවීමට තමන් සම්බන්ධ යැයි ඔප්පු කලහොත් තමන් සිය රාජ්‍ය අමාත්‍ය ධූරයෙන් ඉල්ලා අස්වන බව පොල්, කිතුල් හා තල් වගා ප්‍රවර්ධනය හා ආශ්‍රිත කාර්මික භාණ්ඩ නිෂ්පාදන හා අපනයන විවිධාංගීකරණ රාජ්‍ය අමාත්‍ය අරුන්දික ප්‍රනාන්දු මහතා පවසනවා.
තමන් මෙම සිදුවීම අද උදෑසන දැනගත් බවත් තම අමාත්‍යාංශයේ කවුරුන් හෝ මෙම සිදුවීමට සම්බන්ධ නම් ඔවුන්ට එරෙහිව විනය පරීක්ෂණයක් සිදුකිරීමට සූදානම් බවත් රාජ්‍ය අමාත්‍යවරයා සදහන් කරනවා.
සෑම විටම සාධාරණව කටයුතු කිරීමට තමන් කටයුතු කර ඇති බවත් කිසිදු දිනෙක පොලිසියක තමන්ගේ නම හෝ නොගෑවී ඇති බවත් අමාත්‍යවරයා වැඩිදුරටත් සදහන් කරනවා.
කෙසේ වෙතත් අද උදෑසන වන තෙක් මෙය නොදැන සිටි බව පවසන අමාත්‍යවරයා පවසන්නේ මෙම සිදුවීමේ දෙපැත්තක් පවතින බවයි.
රාගම වෛද්‍ය පීඨය තුළ ඉගෙනුව ලබන විශේෂඥ වෛද්‍යවරියකගේ දරුවෙකුට එරෙහිව ක්‍රියාත්මක වූ නවක වද සිදුවීමකට අදාලව මෙම බාහිර පිරිස පැමිණ පහරදී ඇති බවයි අරුන්දික ප්‍රනාන්දු මහතා පෙන්වා දෙන්නේ.
දිගින් දිගටම අදාළ වෛද්‍ය ශිෂ්‍යාවට සිදුවූ හිරිහැර හේතුවෙන් ඇයව ගලවා ගැනීම සදහා මෙම පුද්ගලයින් මෙම පුද්ගලයින් රාගම වෛද්‍ය පීඨයට ගොස් ඇති බව තමන්ට ආරංචි වූ බව රාජ්‍ය අමාත්‍යවරයා පවසනවා.
